Rrënohen disa objekte pa leje në Qyqavicë të Skenderajt
Rrënohen disa objekte pa leje në Qyqavicë të Skenderajt
12.06.2019 | 04:35

Komuna e Skenderajt nëpërmjet Drejtorisë së Inpektoratit, ka filluar sot rrënimin e objekteve në zonën e Qyqavicës brenda territorit të Komunës së Skenderajt, për shkak të mungesës së lejes së ndërtimit.

Kryetari i Komunës, Bekim Jashari, ka reaguar pas rrënimit të objekteve pa leje, duke thënë se ligji do të jetë mbi të gjithë.

Jashari ka thënë se askush nuk do të lejohet të ndërtojë çfarëdo objekti pa iu nënshtruar procedurave të parapara ligjore, qoftë në Qyqavicë apo edhe dikund tjetër brenda territorit të Komunës së Skenderajt

“Nuk do të lejojmë degradimin e Qyqavicës për teke të askujt, pjesë e cila është interes i përgjithshëm i Komunës”, ka thënë Jashari.