Çfarë tha Bill Clinton në vitin 2009 në Prishtinë?
Çfarë tha Bill Clinton në vitin 2009 në Prishtinë?
12.06.2019 | 10:00

Është hera e tretë që ish-presidenti amerikan, Bill Clinton, po e viziton Kosovën

Herën e parë ai në Kosovë kishte qenë si presidenti i Shteteve të Bashkuara të Amerikës, vetëm pak kohë pasi ndihmoi popullin kosovar, duke dhënë urdhër të bombardohet Serbia dhe të ndalen masakrat në Kosovë. Clinton së bashku me gruan e tij, gjithashtu mike e madhe e Kosovës, Hillary Clinton, patën qenë për vizitë në Kosovë, në vitin 1999.

Ata ishin pritur përzemërsisht nga kosovarët, sidomos në vizitën e tyre në qytetin e Ferizajt. E, kur po bëheshin 10 vjet nga koha kur Kosova u çlirua, Bill Clinton, erdhi sërish në Prishtinë. Përsëri respekti, dashuria dhe admirimi për të, vetëm shkonin duke u rritur nga kosovarët.

Më 12 qershor të vitit 2009, Clinton mori vëmendjen e mbarë botës. Atij iu ndërtuar statuja në qendër të Prishtinës, si shenjë falënderimi për ndihmën që ia dha Kosovës. Para shumë të pranishmëve, Clinton pati mbajtur një fjalim, në Lagjen Dardania – pikërisht në vendin e statujës së tij.

Ai pati falënderuar popullin e Kosovës, duke e ripërsëritur respektin që ai e posedon për të.

E në shënimin e 20-vjetorit të çlirimit të Kosovës, Bill Clinton po qëndron sërish në Kosovë.

I shoqëruar së bashku me ish-sekretaren e SHBA-së në kohën kur Clinton shërbente si president, Madeleine Albright, ata do marrin pjesë në aktivitete të ndryshme që shënohen për nder të çlirimit të Kosovës.

Edhe kësaj radhe, kosovarët shprehën respektin për ish-presidentin amerikan, teksa presidenti Thaçi dje e dekoroi me titullin “Urdhri i Lirisë”.