Daut Haradinaj: Isha në konsultë disa minutash me policinë austriake, nuk më ndaluan
Daut Haradinaj: Isha në konsultë disa minutash me policinë austriake, nuk më ndaluan
18.07.2019 | 18:42

Deputeti i AAK-së, Daut Haradinaj, ka thënë se nuk ka qenë i arrestuar, por që ishte në një konsultë disa minutass në policinë në aeropot të Vjenës, raporton Gazeta Express.

Mediat kosovare kanë raportuar sot gjatë ditës se deputeti i AAK-së Daut Haradinaj është ndaluar në Vjenë, bazuar në fletëarrestet ndërkombëtare të lëshuara nga Serbia.

Por, këtë lajm e ka mohuar vetë Daut Haradinaj.

“Lajmi nuk është i vërtetë, ishte vetëm një konsultë disa minutëshe me policinë në aeroport. Nuk ka të bëjë as me ndalim dhe as me arrestim.Jam në Vjenë i lirë dhe duke u bazuar në planin tim”, tha Haradinaj për Klan Kosovën.

“Falënderoj policinë dhe shtetin austriak për korrektësinë e vazhdueshme, si në këtë rast, ashtu edhe në mbështetjen e vazhdueshme të cilën ia kanë dhënë Kosovës pa rezervë.Mesazhi im për miqtë dhe dashamirët të shqetësuar, jam i lirë dhe jam shumë mirë. Shumë shpejt takohemi në Kosovë – i falënderoj të gjithë për mbështetjen”, përfundoi ai.